Summary of the Book
ज्येष्ठ शास्त्रीय गायिका गंगूबाई हनगल यांचं भारतीय अभिजात संगीतक्षेत्रातील योगदान खूप मोठं आहे. "गंगावतरण' या पुस्तकातून गंगूबाईंचं व्यक्तिमत्त्व; वाचकांसमोर उलगडत जातं. पहिल्याच प्रकरणातील म्हणजे "गंगावतरणाच्या आधी' यात एकोणिसाव्या शतकाच्या उत्तरार्धापासून ते आधुनिक काळापर्यंत कर्नाटकाच्या भौगोलिक, राजकीय आणि सांस्कृतिक इतिहासातील काही घटनांचा आढावा घेण्यात आला आहे; तसेच सोबत संदर्भही नमूद आहेत. संगीतप्रेमी, जाणकार आणि नव्यानं संगीत शिकणाऱ्यांना यामुळे उपयुक्त माहितीचा खजिनाच मिळतो.