Summary of the Book
‘हां, क्युबिझम. त्यातून माणसाचे चेहरे किंवा एकूणच जे सारं तिरफाळलेलं दाखवतो ना... त्यातून तो हेच सांगतो की, वरकरणी सुस्थितीत दिसतंय ते आतून विस्कटलेलं आहे.’ मॉल्स, सीसीडी, पिझ्झा हट, बरिस्तासारख्या चक्रवाढ व्याजाने वाढत जाणार्या संस्कृती, त्या तेवढ्याच वेगाने आत्मसात करणार्या आपल्या देशातील लोकांची म्हणजे खरं तर आपलीच, तुमची-आमची नेमकी मानसिकता शोधणार्या प्रसिद्ध लेखक सतीश तांबे यांच्या अक्षर प्रकाशनाने प्रकाशित केलेल्या ‘मॉलमध्ये मंगोल’ या कथासंग्रहातील ‘बेडरूम तिथे पिकासो’ या कथेतील मिनीचे हे उद्गार! मुळातच लेखक सतीश तांबे यांनी या कथासंग्रहातून या विस्कटलेपणाचा शोध घेतलेला आहे. या संस्कृतीला केवळ नावे ठेवण्याचा तांबे यांचा हेतू नसून त्यामागचा कार्यकारणभावही त्यांनी स्पष्ट केलेला आहे.