Summary of the Book
बाळाच्या आगमनाच्या चाहुलीने सगळेच आई-वडील उत्साहित होतात. पूर्वीच्या एकत्र कुटुंबात वडिलधाऱ्यांकडून गर्भारपणात आणि बाळंतपणात मार्गदर्शन आणि मदत होत असे. विभक्त कुटुंबपद्धतीमुळे या दोन्ही गोष्टी अभावाने मिळतात. ती उणीव भरून काढण्यासाठी अनुराधाताईंनी ' बाळाची चाहूल ' हे पुस्तक लिहिले आहे. या पुस्तकात बाळाला टोचण्याच्या लसींपासून त्याला झोपवताना म्हणायच्या ओव्यांपर्यंत आणि बाळंतिणीसाठीच्या लाडू अन् खिरींपासून आजीबाईच्या बटव्यातील पारंपरिक औषधांपर्यंत विविध गोष्टी तपशीलवार दिल्या आहेत.