आयुष्यात जगण्यासाठी खाद्यान्नाला महत्त्व आहे. रोजच्या जेवणात भाजी - पोळी, वरण - भात हे पदार्थ असतातच, याशिवाय वेगवेगळे पदार्थ असतातच, याशिवाय वेगवेगळे पदार्थ करण्यासही प्राधान्य दिले जाते.

डॉ. लीला दिक्षित यांनी कोकणातील विशेष खाद्यपदार्थांच्या पाककृती 'अन्नब्रम्ह'मधून दिल्या आहेत. झटपट स्वयंपाक करताना काही पदार्थ तयार ठेवावे लागतात. दाण्याच्या कूट, मिरपूड, डांगर, गोडा मसाला, सांडगे, तांदळाची पिठी असे २४ पदार्थ घरी कसे तयार करून ठेवावेत हे सांगितले आहे.

न्याहारीत आटवल, आंबील, हातपोहे, भरीत पोहे, धपाटे, पानगी, गोटा खोबरे - कैरी चटणी, कवठाची चटणी, पडवळाच्या बियांची चटणी, आमसुलाची चटणी, सुक्या चटण्यांची कृती यात आहे.

कैरी, काचकोईचे लोणचे, मोहरीचा आंबा, आवळ्याचे लोणचे, पेरूचे लोणचे, काजुंच्या फळांची कोशिंबीर, खमंग काकडी, अळकुड्यांची कोशिंबीर, शेवग्याच्या शेंगाची भाजी, उकडलेले गरे, केळ्याची भाजी, अळूची ताकातील भाजी, फोडशीची भाजी, बटाट्याची मसाल्याची भाजी, काजूची उसळ, कुळथाची उसळ, बिरड्याची उसळ, अशा भाज्या यात आहेत.

लाडू, सांदणं, दिंड, साखरभात, अननसाचा भात, पोळ्या, खिरींचे प्रकार, आमटीचे प्रकार, भाताचे प्रकार असे २२५ हून अधिक पदार्थांच्या पाककृती दिल्या आहेत.