प.पू. गुरुबंधू कै. श्री. बेलसरेबाबा यांनी लिहिलेले महाराजांचे चरित्र म्हणजे माझी गीता आहे. उलटसुलट कसेही वाचले, कधीही वाचले तरी ते मन व्यापून टाकते. ते मधुरमिठास आहे. ते तत्वगंभीर आहे. तत्काळ मार्गदर्शन करणारे दीपस्तंभसमान ते आहे. ग्रंथाच्या दुसर्या भागात जवळजवळ अर्धे पुस्तक व्यापेल इतका मजकूर साधकांसाठी केलेल्या नेमक्या मार्गदर्शनाचा आहे. सहज फिरायला जावे आणि येताना वाटेत प्राजक्ताची ताजी सुगंधी फुले विखुरलेली दिसावीत असे मला ही १० स्फुट प्रकरणे वाचून वाटले. मी त्याचा सारांश या इ-पुस्तिकेत दिलेला आहे.