Summary of the Book
दत्ताचा महिमा सर्वत्र गायला जातो. शांत व सुखाने जगणे शक्य व्हावे, यासाठी गुरुचरित्रातील गुरुमहिम्याचे वाचन, पठण, मनन केले जाते. या गुरुचरित्रात नेमके आहे, ते का वाचायचे याची अनेकांना माहिती नसते. म्हणूनच डॉ. सी. वैद्य यांनी ओवीबद्ध पोथीचे गोष्टीरुपात गद्य निवेदन 'भावार्थ श्रीगुरुचरित्र' मधून केले आहे. एकूण ५२ अध्याय यात कथारुपाने आले आहेत.
श्रीगुरू नृसिंहसरस्वती यांचा भक्त नामकरणी हा गुरूंच्या दर्शनासाठी गाणगापूरला दर्शनासाठी निघाला असता सिद्धमुनी त्याला सृष्टीची उत्पत्ती, चार युगे यांची माहिती देऊन गुरुभक्ती, ब्रम्हा, विष्णू, महेश यांचा दत्त अवतार, श्रीपादवल्लभ यांचे चरित्र व गुरुमहिमा सांगणाऱ्या अनेक कथा कथन करतात. त्या सर्व यात अगदी सोप्या भाषेत दिल्या आहेत.
त्यानंतर श्रीगुरुचरित्र व श्रीदत्त संप्रदाय, श्रीगुरुचरित्राचे लेखक, विविध पोथ्यांमधील फरक, साप्ताहवाचन पद्धती, वाचनाची फलश्रुती, गुरुगीतेचा भावार्थ, गुरुचरित्रातील कानडी पदांचा मराठी शब्दार्थ, श्रीरंगावधूटस्वामीविरचित दत्तबावनी, श्रीवासूदेवानंदसरस्वतीविरचित तीन दत्तस्तोत्रे व करूणात्रिपदी, श्रीनारदविरचित दत्तस्तोत्र, श्रीशंकराचार्याचे गुरुअष्टक, श्रीदत्तसंप्रदयाचा परिचय, काही प्रमुख दत्तक्षेत्रे आदींची माहिती त्यांनी यात दिली आहे.