हल्ली 'स्टार्टअप' हा जणू परवलीचा शब्द बनला आहे. पण स्टार्टअप म्हणजे नेमके काय, कोण व कशा प्रकारे स्टार्टअप सुरु करू शकतो ,हे डॉ. विठ्ठल इंदिरा व्यकंटेश कामत यांनी 'स्टार्टअप करणारच मी, उद्योजक होणारच मी' मधून सर्वसामन्यांसमोर सोप्या भाषेत मांडले आहे . १२ वर्षाच्या विद्यार्थ्यांपासून ते ८२ वर्षाच्या ज्येष्ठ विद्यार्थी वाचक गटासाठी हे पुस्तक असल्याने लेखकाने यात नमूद केले आहे . त्यानुसार लेखनाची भाषाशैलीही दिलखुलास आहे . विठ्ठल कामत स्वतः उद्योजक कसे झाले , हे उलगडतानाच स्टार्टअप करताना स्वतःचे मूल्यमापन , आत्मपरीक्षण कसे करायचे याचे मार्गदर्शन केले आहेत. संतुलित विचारशक्ती , प्रबळ मनःशक्ती आणि दूरदृष्टी हा पाया धरून त्याला व्यवहारीकतेची जोड दिल्यास आपण आयुष्यात यशस्वी उद्योजक होणारच , हा मूलमंत्र त्यांनी दिला आहे. स्टार्टअप करताना बदलाचा स्वेच्छेने स्वीकार करणे , स्टार्टअपपूर्वीची तयारी , स्टार्टअप आणि उद्योगातील फरक , श्रद्धा , आत्मविश्वास बाळगणे , स्टार्टअप सुरु झाल्यावर त्याचे उद्योगात रुपांतर करण्यासाठी तयारी व त्यानंतर यशस्वी उद्योजकासाठीचे तंत्र यातून समजावून सांगितले आहे.

‘स्टार्टअप करणारच मी, उद्योजक होणारच मी’ या पुस्तकाचा ‘बाइट्स ऑफ इंडिया’वरील परिचय वाचण्यासाठी पुढील लिंकवर क्लिक करा... http://www.bytesofindia.com/Details/?NewsId=5067313170428103989