Summary of the Book
'काश्मीरनामा' या पुस्तकात 'काश्मीर' या विषयाची मांडणी, 'बलिदान, संघर्ष, प्रतिकार' अशा वेगवेगळ्या अंगानी करण्यात आली आहे. 'हे पुस्तक इतिहास आणि वर्तमानाचा धांडोळा घेत भविष्याचा अंदाज बांधणारे आहे, केवळ संशोधनात्मक नाही', अशा शब्दात लेखकाने आपली या लेखामागील भूमिका स्पष्ट केली आहे.
काश्मीरचा विषय चर्चेत राहण्यासाठी लेखन हा एक पर्याय आहे, असे लेखक मानतो आणि त्या दृष्टीने लेखकाने हे लेखन केले आहे. या पुस्तकाच्या 'बलिदाननामा' या पहिल्या भागात काश्मीरचा धगधगता इतिहास, इथले पराक्रमी राजे, काश्मीरमध्ये फोफावलेला इस्लाम आणि जिहादी चळवळ, गेल्या काही दशकातला धर्मांधतेचा काळा अध्याय इत्यादी माहिती समाविष्ट करण्यात आली आहे.
पुस्तकाच्या 'संघर्षनाम' या दुसर्या भागात शेख अब्दुल्ला यांचा उदय, 'काश्मीर छोडो ' आंदोलन, विलीनीकरण आणि माऊंटबॅटन, टोळीवाल्यांची धाड, जम्मू व लडाख वरील हल्ले, यूनोमध्ये काश्मीरप्रश्न, कलम-३७०, नवी विटी, नवे राज्य या विषयावर लेखकाने भाष्य केले आहे.'प्रतिकरनामा' या तिसर्या भागात 'रक्त आणि अश्रू', 'दहशतीचे सावट', 'कारगिलचे कुरुक्षेत्र', 'दुसर्या धर्मांतराची चाहूल' या विषयांचा अंतर्भाव करण्यात आला आहे.