सहकारी संस्था, पतपेढ्या आणि बँका यांच्याकडील थकबाकी आणि त्यांची वसुली ही एक अत्यंत गंभीर आणि महत्वपूर्ण समस्या झाली आहे. बँकेचे आरोग्य हे दीर्घायु होण्यासाठी थकबाकी कमीत कमी असणे आवश्यक आहे, म्हणून थकबाकी कमी करणेसाठी त्याच्या वसूलीचे सर्वतोपरी प्रयत्न करण्याची जरुरी अधोरेखीत झालेली आहे. या गोष्टींचा प्रभाव या सातव्या आवृत्तीच्या कव्हरवर प्रतीत होणे सहाजिकच आहे.

उपलब्ध मनुष्यबळ, साधनसंपत्ती कायदे, नियम व धनको संस्थेचे पाठबळ यावर वसूली अवलंबून आहे. प्रशिक्षण वर्गातील विविध अनुभव लक्षात घेऊन वसुली व्यवस्थापनासाठी मार्गदर्शन याच हेतूने हा लेखन प्रपंच.

सातव्या आवृत्तीत खालील नवीन माहिती उपलब्ध करण्यात आली आहे.
- नियम 107 मधील पोटनियम (19), (20) व (21).
- तारीख 18 मे 2007 च्या अधिसूचनेद्वारा कलम 101 प्रमाणे काम कसे करावे यासाठीचे विशेष मार्गदर्शक नियम
क्रमांक 86 अ, 86 ब, 86 क, 86 ड, 86 इ व 86 फ जारी झाले आहेत. ते या आवृत्तीत उद्धृत केले आहेत.
- नागरी सहकारी बँका व सहकारी पतपेढ्यांचे कर्मचारी, अधिकारी व संचालकांना निरनिराळ्या कामाच्या निमित्ताने
सात- बाराचा उतारा अभ्यासण्याची वेळ येते. ही महत्त्वाची, अभ्यासपूर्ण तसेच कौशल्याची बाब आहे. यादृष्टीने
’7/12 उतारा - एक परिचय’ अशी एक तपशीलवार टीप या आवृत्तीत दाखल करण्यात आली आहे.
- मयत कर्जदाराचे वारस ठरविण्याबाबत एक मार्गदर्शक टीप प्रकरण सात मध्ये दाखल केली आहे