Summary of the Book
ज्योती पुजारी यांचे आतापर्यत पाच कथासंग्रह आणि तीन कादंबऱ्या प्रसिद्ध झाल्या आहेत. या कादंबरीत गुजा ही कथानायिका स्मशानात चौकीदारीचं काम करत असते. आपल्या दोन्ही मुलांना शिकवून ती मोठं करते. नवरा अपंग आणि नोकरी नसलेला. अशा सगळ्या प्रतिकूल परिस्थितीशी तोंड देऊन हे जगावेगळं काम ती करते आणि सारं घर उभं करते. या नोकरीत तिला सोसाव्या लागलेल्या हालअपेष्टा हे सारं लेखिकेनं प्रभावीपणे मांडलं आहे. वेगळ्याच विषयावरची ही कादंबरी वाचकाला अस्वस्थ करते आणि त्याला गुंजा या संघर्षशील नायिकेच्या धाडसाचं कौतुक वाटल्याशिवाय राहणार नाही.
