Summary of the Book
मातेच्या उदरातून सुरू झालेला प्रत्येक प्राणिमात्राचा प्रवास स्मशानात थांबतो. एखादाच गौतम बुद्धासारखा योगी साऱ्या संसार-सुखांना लाथाडून ' आत्मशोधना ' च्या वाटेवर आपली पावलं उमटविण्याचा प्रयत्न करतो. असाच एका गावातील दुःखाने व्याकुळ झालेला बैरागी गुरुच्या आदेशावरून घर सोडतो. हाती मातीचं गाडगं नि काठी घेऊन भारावल्यागत फिरस्ती करू लागतो. देहव्यापारांची पर्वा न करता अलिप्तपणे भटकंती करीत रहातो. वाटेत येणाऱ्या गावांमध्ये न गुंतण्याचा निश्चय करूनच घर सोडल्यामुळे कुठल्याच मोहात तो अडकून पडत नाही. बैराग्याच्या या प्रवासात वाचकास त्याच्यासोबत ' चालता ' ठेवण्यात श्याम पेठकर लिखित ' गावझुला ' हे पुस्तक यशस्वी ठरलं आहे.