Summary of the Book
मोरया प्रकाशनने 'श्री दासायन' या दुर्मिळ असलेल्या समर्थ चरित्र ग्रंथाचे पुनर्मुद्रण केले आहे. अनंतदास रामदासजी यांनी ५० वर्षांपूर्वी हे विस्तृत चरित्र लिहिले असून ते अधिकृत मानले जाते.
श्री. अनंतदास कट्टर समर्थ सांप्रदायिक होते, परंतु अंधश्रद्ध वा भोळेभाबडे नव्हते, तर समर्थ वाङ्मयाचे ते गाढे अभ्यासक होते. त्यांनी तीन खंडात लिहिलेले समर्थ चरित्र सुमारे तीन दशकांहून जास्त काळ उपलब्ध नव्हते. रामायणावरून दासायन हा शब्द तयार केला असल्याने रामायणाप्रमाणे या चरित्राची रचनाही सप्तकांडात्मक आहे.