शुभारंभ पंचांग दिनदर्शिका हे मराठी महिन्यांचे पहिले व एकमेव कॅलेंडर आहे.

पंचांग कॅलेंडर स्वरुपात प्रथमच उपलब्ध झाले आहे. कॅलेंडर म्हणजे जानेवारी ते डिसेंबर महिन्यांची कालगणना. पण आपले मराठी माणसांचे नवीन वर्ष गुढीपाडवा पासून सुरु होते; मग नवीन कॅलेंडर का नाही सुरु होत? या विचाराने गेले तीन वर्ष ही संकल्पना सुरु आहे. पंचांग कॅलेंडर स्वरुपात असे ह्याचे स्वरूप आहे. पंचांग तिथी शब्दरूपात मध्यभागी मोठी करून लिहिली आहे व इंग्रजी महिन्यांची तारीख आकड्यांमध्ये उजव्या कोप-यात लिहिली आहे. मराठी महिना सुरु होतो शुद्ध प्रतिपदेपासून व संपतो अमावास्येला. हा साधारण ३० दिवसांचा कालावधी असतो. यामुळे मराठी महिन्यांच्या कॅलेंडर मध्ये दोन इंग्रजी महिने येणार हे दोन वेगळ्या रंगानी, गुलाबी व पिवळ्या, दाखविण्यात आले आहेत. तिथी व नक्षत्र समाप्तीची वेळ सूर्योदय व सूर्यास्ताच्या वेळा तसेच चंद्र राशी समाप्तीच्या वेळेसह दिली असून ग्रह कोणत्या राशीत आहेत व कोणत्या दिवशी पुढील राशीत जाणार आहेत हे सर्वात खाली नमूद केले आहे. तसेच पोर्णिमा व अमावस्या यांच्या प्रारंभ व समाप्तीच्या वेळा दिनांकासहित दिल्या आहेत. मुहूर्ताच्या तारखाही दिलेल्या आहेत. मराठी माणूस सांस्कृतिक सण प्रिय आहे तो आपले सण उत्साहाने साजरे करतो ती त्याची संस्कृती आहे पण हे सण कोणत्या मराठी महिन्यात येतात हे खूप जणांना माहित नसते. मराठी सणांचे जसे महत्व आहे तसेच मराठी महिन्याचेही महत्व आहे हे विसरता कामा नये. गणेशोत्सव कधी तर august - september मध्ये व दिवाळी october - november मध्ये हे ८०% मराठी माणसांचे उत्तर असते. पण मराठी महिना मात्र माहित नसतो.

आपण आपली संस्कृती जपली व वाढवली पाहिजे त्याकरिता हे कॅलेंडर मराठी घरात खूप उपयोगी पडेल व नवीन मराठी पिढी आपले मराठी सण मराठी महिन्यात ओळखू लागेल असा आमचा प्रयत्न आहे.

आपण मराठी घरात हे कॅलेंडर वापरले पाहिजे असा आमचा नम्र आग्रह आहे.