Summary of the Book
सत्याच्या, विज्ञानच्या, साहित्य कलादि सौंदर्याभिव्यक्तीच्या, दार्शनिक संवाद - संघर्ष समन्वयाच्या नव्या नव्या प्रयोगातून समाजाला विकृतीमुक्त करणाचा ध्येयवाद जागतिक मानवी संस्कृतीने अवलंबिला आहे. या सर्वच प्रयोगशीलतेमध्ये बंधुतेचे तत्वज्ञान व मूल्य विश्नाच्या प्रबोधनपर्वात काल आज आणि उद्याही निर्णायक महत्वाचे आहे ! बंधुता ही संकल्पना भावना व विचार यांची एकात्मता सिद्ध करणारे मूल्य आहे. त्यामुळे बंधूतेच्या व्यापक संकल्पनेत मानवता, करुणा, प्रेम, वात्सल्य, द्दया अशा अनेक मुल्यांचा सुगंध एकत्र अनुभवता येतो. परिवर्तन तर हवेच. पण बदल घडवताना व घडवल्यावरसुद्धा माणसा- माणसाचे संबंध कसे व कोणते असावेत या प्रश्नाच्या उत्तरात बंधुताच मदतीला धावून येते. बंधुतेचा स्पर्श ज्या संस्कृतींना होतो, त्या समाजाची वाटचाल शांतपणे होऊन विकासाच्या दाही दिशा समृद्ध होत जातात. या प्रक्रियेत प्राकृतिक ष ड् रि पुंचा अडथळा जरूर आहे. पण त्यावर मात करण्यासाठी संस्कृतीचे सर्वच संचित प्रवाह कार्यरत आहेत. आणि या प्रवासात संस्कृतीला प्रचंड यश मिळाले आहे.