महिलांसाठी उद्योजकता शिबिरे
महिलांसाठी मोलाचे उद्योग आणि उत्पादन निवडीविषयक अन्य संदर्भग्रंथ वाचून आणि अभ्यासून तुमच्या व्यवसायासाठी तुम्ही दोन-चार उद्योग निवडले असतील.
आता प्रत्यक्ष व्यवसायाला प्रारंभ करण्यापूर्वी तुमच्या अभ्यासासाठी सतत तुमच्या संग्रही असलेच पाहिजे असे हे पुस्तक : 'महिलांसाठी उद्योग-व्यवसाय', तुमच्या मनात असणार्‍या अनेक प्रश्नांची हे पुस्तक उत्तरे देतेच; परंतु आजवर मराठीमध्ये प्रसिद्ध झालेल्या कोणत्याही अन्य पुस्तकांतून न झालेले व्यवसायाच्या घडामोडींचे यथातथ्य दर्शन हे पुस्तक घडवून आणते. या पुस्तकाच्या अनुक्रमणिकेवरून एक धावती नजर टाकल्यावर या पुस्तकाची वैशिष्ट्ये नजरेत भरतात. प्रत्यक्ष अनुभवावर आधारलेली, जवळून पाहिलेली, कष्टाने मिळवलेली अशी खूप खूप माहिती हे पुस्तक सुलभतेने देते. महिलांच्या यथकथांप्रमाणे (कुणी सांगत नाही त्या) अपयशकथाही हे पुस्तक देते. परप्रांतीय आणि परदेशी महिलांच्या लक्षणीय कामगिरीकडे तुमचे लक्ष वेधते. पण या सर्वांच्या केंद्रस्थानी तुमच्यातील 'उद्योजिका'च असते.
लघुउद्योगांच्या समस्यांवरील एक व्याख्याते आणि लघुउद्योगांवरील विविध लोकप्रिय पुस्तकांचे लेखक श्री. गंगाधर महाम्बरे यांच्या या पुस्तकाने महिलांच्या उद्योग-व्यवसायाचे नेमके आणि नेटके शब्दांकन केले आहे.