संगीत ही कला अशी आहे, की ती अवगत नसतानाही त्यातला आनंद घेता येतो. एखादे गाणे ऐकताना कान टवकारले जातात. त्यातील शब्द, चाल, गेयता आवडते. काही रसिकांना हे गाणे कोणत्या रागात बांधले आहे, हे जाणून घेण्याची उत्सुकता असते. ही उत्सुकता डॉ. विठ्ठल श्री. ठाकूर यांच्या 'संगीत सरिता'मधील पुस्तकातून शमविता येते. गाणे ऐकून त्याचा राग ओळखण्याचि कला यात सांगितली आहे. शास्त्रीय रागदरबारीतून आपण ऐकत असलेल्या गाण्याचा राग ओळखता आला, की ते ऐकण्याचा आनंद दुणावतो. या पुस्तकात १२३ राग व त्यावर आधारित २,६०० च्या वर मराठी व हिंदी गाणी यांची माहिती दिली आहे. त्यांच्यासोबत आरोह व अवरोहही आहेत. राग व गाणी यांचे क्रम आकारविल्हे ठेवले आहेत. शिवाय, गाण्यांची सूचीही शेवटी दिली आहे. अडणा, अभोगी, अलैय्या बिलावल, कलिंगडा, किरवाणी, गर, गुजरी तोडी, चारुकेशी, छायानट, पूर्वी, बिहागडा, भूप, भैरवी अशा विविध रागांची नावेही यातून समजतात.
‘संगीत सरिता- राग कसे ओळखावेत’ या पुस्तकाचा ‘बाइट्स ऑफ इंडिया’वरील परिचय वाचण्यासाठी पुढील लिंकवर क्लिक करा...
http://www.bytesofindia.com/Details/?NewsId=4787803940788919357