व्यसन हे माणसांमाणसांत दुजाभाव मानत नाही, व्यसनी माणसाचे जीवनातील वादळ थोड्याफार फरकाने सारखे असते. एखाद्याला व्यसन लागणे
आणि व्यसन सुटणे या वाक्यांच्या मध्ये महाभारत व्यसनी व्यक्ती व त्याच्या कुटुंबात महाभारत घडलेले असते. मनोविकारशास्त्रज्ञ म्हणून डॉ. आनंद नाडकर्णी यांचा व्यसनाधीन झालेल्या रुग्णांशी जवळून संबंध आल्याने हे महाभारत कसे घडते ते त्यांनी 'मुक्तीपत्रे'मधून शब्दबद्ध केले आहे.

मुक्तांगण व्यसनमुक्तीकेंद्रातून उपचार घेऊन दारूच्या व्यसनातून सुटलेला व परदेशात नोकरीसाठी गेलेल्या प्रतिकने फॉलोअपसाठी डॉक्टरांना लिहिलेली पत्रं व डॉक्टरांनी पत्रांद्वारे केलेले मार्गदर्शन यात आहे. व्यासानाधीतेतून बाहेर पडण्याची दिशा हा पत्रव्यवहार दाखवतो.

तसेच रुग्ण त्याची पत्नी यांच्यातील नाते, रुग्णाची मुले व आईवडील यांचे संबंध यातून उलगडते. दारू पिणाऱ्यांसाठी हे पुस्तक ती सोडण्यासाठी मागदर्शन करते. तसेच दारू न पिणाऱ्यांनाही या व्यसनामुळे आयुष्य कसे वळण घेते याचे उदाहरण देते.