'लोक' जीवनाच्या आरंभबिंदुपासून; लोकधारणेच्या सनातन परंपरेत ; दैवकथांना ( मिथक ) , अतिशय महत्वाचे स्थान आहे ; हे अभ्यासकांना सतत जाणवते आहे . संस्कृतीची बहुपेडी गुंफण , ही प्रामुख्याने दैवतकथांच्या भोवती झालेली दिसते . लोकसंस्कृतीच्या परंपरेतून संस्कृतीचा आविष्कार होतो .
    यादृष्टीने , लोकदैवताचा , त्यांच्या उत्क्रांतअवस्थांच्या रूपांचा आणि दैवतकथांचा मुलभूत , चिंतनपूर्वक आणि सशास्त्र अभ्यास करण्याचा प्रयत्न प्रा . डॉ . दिनेश वाघुंबरे यांनी केला आहे .
       ' लोकसंस्कृतीच्या आदिम धारा ' या ग्रंथात त्यांच्या मूलगामी चिंतन आणि संशोधनाचा प्रत्यय येतो . अवैदिक - वैदिक , लोकसांस्कृतिक - सांस्कृतिक , आविष्कारांचा अभ्यास करताना ; लोकजीवनाच्या सनातन उत्क्रांत आणि विकसित होत जाणाऱ्या अवस्थांचा विचार ; दैवतकथाशास्त्राच्या मांडणीत महत्वाचा ठरतो ; याकडे डॉ. वाघुंबरे यांनी लक्ष वेधले आहे .
         प्रासंगिक आणि निमित्ताने , पुर्वप्रसिद्ध अशा लेखांचा ; यथोचित संपादनसह , या ग्रंथात समावेश केल्याने; ग्रंथाला शास्त्रीयग्रंथ तथा संदर्भग्रंथ असे मूल्य प्राप्त झाले आहे .
         मानववंशशास्त्र , मानसशास्त्र , प्राचीन भारतीय वाड्.मय , मानव्यशास्त्रे , भाषा , दैवतकथा , लोकसाहित्य आणि लोकसंस्कृती या क्षेत्रातील अभ्यासकांच्या अभ्यास प्रयत्नांसाठी हा ग्रंथ विशेष सहाय्यभूत ठरेल ; असा विश्वास वाटतो.