Summary of the Book
आपल्या स्वतःच्या शरीराबद्दल आपल्याला किती माहिती असते? फारशी नाही. किंवा असली, तरी त्यात गैरसमजाचा भाग अधिक असतो. आपल्याला पौगंडावस्थेत आपल्या शरीराची हळूहळू ओळख व्हायला लागते. याच काळात शरीर रचना, कार्य आदींची शास्त्रीय माहिती मिळणे आवश्यक असते. त्या दृष्टीने डॉ.स्मिता धारप यांचे हे पुस्तक उपयुक्त ठरावे. त्यांचे हे पुस्तक म्हणजे स्त्रियांविषयी सर्व काही अशा स्वरूपाचे आहे.
स्त्री-शरीराची अंतर्गत रचना, वयात येताना शरीरात होणारे बदल, पाळीच्या संबंधातील सर्व प्रकारचे विकार, प्रकृतीच्या समस्यांचा वयोपरत्वे आढावा घेतला आहे; तसेच जंतुसंसर्ग, गुप्तरोग, एड्ससारख्या आजारांपासून लांब राहण्याचा धोक्यात इशाराही त्यांनी दिला आहे. शिवाय वैवाहिक आयुष्य, प्रसूती आदींची माहितीही त्या देतात.