एखाद्या महिलेला तिळे झाले तर 'कसे सांभाळता हो तुम्ही' , असा प्रश्न अनेकांच्या तोंडी येतो . याचा सामना करीतच शेफाली वैद्य यांनी अनन्या , अर्जुन आणि आदित्य या त्रिमुर्तीच्या पालनपोषणाची जबाबदारी स्वीकारली . या तिळ्यांच्या जन्मापासून जडणघडण त्यांनी 'घर हिंडते आकाशी'मधून शब्दबद्ध केली आहे . मुलांमध्ये एखाद्या वस्तूंवरून भांडण झाल्यास ते सोडविताना 'वस्तूपेक्षा माणसं महत्वाची असतात ,' असे त्या समजावून सांगतात . अन्य एका प्रसंगात हेच उपदेशामृत चिमुकल्या मुलीकडूनच मिळाल्यानंतर पालकत्वाचा मोठा धडा मिळाल्याचे लेखिका सांगते . शनिवारवाड्यात पडलेला कचरा मुलांनी उचलून पेटीत टाकणे , साठविलेल्या पैशातून मामाच्या वाढदिवसाला छानशी भेटवस्तू आणणे , पिगी बँकेत पैसे साठल्यानंतर खेळ घेण्याचे अनन्याचे स्वप्न असते ; पण ड्राइव्हर काका संकटात असल्याचे पाहून ते सर्व पैसे त्यांना मदत म्हणून देणारी समंजस अनन्या , अशा अनेक प्रसंगातून लेखिकेने मुलांवर केलेले संस्कार , त्याचे मुलांकडून होणारे पालन व मुलांचे सामाजिक भान यातून दिसून येते.

‘घार हिंडते आकाशी’ या पुस्तकाचा ‘बाइट्स ऑफ इंडिया’वरील परिचय वाचण्यासाठी पुढील लिंकवर क्लिक करा... http://www.bytesofindia.com/Details/?NewsId=5381523079207107435