विज्ञान आणि तंत्रज्ञान या क्षेत्रात झपाटय़ाने प्रगती होत आहे. या क्षेत्रातील शोधांनी माणसाचे जगणेही बदलून टाकले आहे. विज्ञानाच्या विविध शाखांमध्ये २००९-१० साली लागलेल्या शोधांचा जोसेफ तुस्कानो यांनी आपल्या लालित्यपूर्ण भाषेत ‘विज्ञान शोधांची कहाणी शोधपर्व २००९-१०’ या पुस्तकात वेध घेतला आहे. रसायनशास्त्र, भौतिकशास्त्र, जीवशास्त्र, पर्यावरण, खगोलशास्त्र, जीवतंत्रज्ञान यांसारख्या विज्ञान-तंत्रज्ञानाच्या अनेक शाखांमधील शोधांची माहिती या पुस्तकातून मिळते. कॉफीपासून इंधन, प्रार्थनेतही कशी शक्ती दडली आहे, गॅलिलिओच्या नोंदवह्या, बचत ही देखील निर्मिती आहे, मोबाइल मनोऱ्यांचे धोके अशा अनेक संशोधनांबद्दल या पुस्तकात माहिती मिळते. या पुस्तकाचा विशेष म्हणजे संशोधनांबद्दल केवळ रूक्ष माहिती नाही, तर ही माहिती लेखकाच्या लालित्यपूर्ण शैलीने अधिक वाचनीय झाली आहे. त्यामुळे हे पुस्तक वाचताना कंटाळा येत नाही. विज्ञानप्रेमींना व विद्यार्थ्यांना उपयुक्त अशी ही माहिती आह