एका पूर्णपणे बंदिस्त अशा रूममध्ये एक व्यक्ती रुमच्या आतमध्ये छताला फाशी घेतलेल्या अवस्थेत लटकलेली आहे, आणि विशेष म्हणजे ती व्यक्ती जमिनीपासून चार फूट उंचीवर असून रूम पूर्णपणे मोकळी आहे. व रूमचा दरवाजा आतमधून लॉक आहे. मग मनामध्ये प्रश्न असा निर्माण होतो कि या व्यक्तीने फाशी घेतली कि, त्या व्यक्तीला दुसऱ्या कोणी व्यक्तीने फाशी दिली. जर या व्यक्तीने फाशी घेतली असेल, तर कशी घेतली कारण ती व्यक्ती जमिनीपासून चार फूट उंचीवर कोणतेही टेबल, खुर्ची यासारख्या वस्तूचा आधार न घेता त्या व्यक्तीने फाशी घेतलीच कशी, किंवा जर या व्यक्तीला कोणी दुसऱ्या व्यक्तीने फाशी असेल तर फाशी देणारी व्यक्ती रुमच्या बाहेर गेलीच कशी, कारण रुम तर आतमधून लॉक आहे. आणि रुमच्या आत बाहेर जाण्यायेण्यासाठी फक्त दरवाजा हा एकच मार्ग आहे. आणि तो ही दरवाजा एकच आहे.
याच मृत्यूचे गूढ इन्स्पेक्टर भालेराव कसे शोधून काढतात आणि जेव्हा इन्स्पेक्टर भालेरावांना ह्या मृत्यूचे गुढ समजते, तेव्हा त्यांना एका आगळ्या-वेगळ्या प्रेमाची उकल होते, व खरे प्रेम काय असते, खरे प्रेम कशाला म्हणतात याची व्याख्या सर्वांसमोर उभी राहते.
या कादंबरी बद्दल थोडक्यात सांगायचे झाल्यास एका मृत्युच्या गुढ रहस्याबद्दलच्या विषयावर ही कादंबरी आधारलेली असून खूप सुंदर पद्धतीने वर्णन केलेले आहे, जे कि वाचकाला शेवटच्या पानापर्यंत खेळून ठेवते.