माउलींचा अनुभवामृत हा ग्रंथ वाचावयास घेणारे फारच कमी आहेत.हे ज्ञान सोपे करून इतरांपर्यंत पोहोचवावे, 'जे आपल्यासी कळले ते इतरांना देत जावे,' हाच उद्देश !
          ज्ञानदेव माउलींना आपल्या एकविसाव्या वर्षी समाधी घेण्याची इच्छा कशी झाली असेल? हे कोडं माउलींच्या अनुभवामृतातुनच मला उलगडलं.
          भक्त आणि देव यांच्यातील द्वैत संपले की भक्तच देव होतो आणि त्यांच्यातील अद्वैत संपले की चैतन्यतत्त्वच अनुभवास येते, हेच माउलींच्या ग्रंथांतून मांडले गेले आहे.
       आपल्या इच्छित गन्तव्य स्थळी पोहोचण्यासाठी आपल्याबरोबर असणारे पाथेय म्हणजेच 'शिदोरी'
         श्री. प्रकाश कामत यांनी श्री ज्ञानेश्वर माउलींच्या 'अनुभवामृत' यातील तत्त्वज्ञानाचे अनेक छोट्या छोट्या कथांतून अत्यंत सोप्या व रसाळ भाषेतून वर्णन केले आहे. यातून नव्या पिढीला उत्तम मार्गदर्शन मिळून, ही मंडळी निश्चितच मूल ग्रंथाचे वाचन करण्यास उद्द्त्क होतील असा विश्वास वाटतो.
          श्री. प्रकाश कामत यांनी अनेक साधू-संतांच्या आणि तपस्वी पारमार्थिकांच्या जीवनकथा नीट अभ्यासल्या आहेत.त्यांचे मर्म अचूक लक्षात घेऊन अगदी सहजतेने श्री ज्ञानदेवांच्या 'अनुभवामृतातील' प्रतिपादनाशी, त्याची याशोचित सांगड जमविली आहे.
       ही सारी मांडणी अभिनव आहे आणि कोणाही पारमार्थिकाला आत्म-चिंतन-यात्रेत सहाय्यकारी होणारी आहे.