मुघल व निजामशाहीच्या दक्षिणेकडील संघर्षात निजामाने एतद्देशीय मराठ्यांना हाताशी धरून आक्रमण थोपविण्याचा प्रयत्न केला . यातूनच मराठ्यांचा लष्करी विकास होऊन मराठा राज्याचा उदय झाला . या विकासाचा महत्वाचा टप्पा म्हणजे शहाजी महाराज , असा इतिहासाचा दाखला देत डॉ. नीरज साळुंखे यांनी छत्रपती शिवाजी महाराजांचे साम्राज्य'तून शिवाजी महाराजांच्या राज्याविस्ताराचा आढावा घेतला आहे .
मराठा राज्य हे शहाजी महाराज आणि छत्रपती शिवाजी महाराज यांची एकत्रित कृती होती , हे लक्षात घेऊन याची मांडणी केल्याचे लेखक सांगतात . यामुळे कुकळ्ळीच्या धर्मयुद्धापासून मराठ्यांची घराणी , शहाजी महाराजांचा स्वतंत्र कारभार व त्यांची जहागिरी , दक्षिणेकडील मोहिमा यांचा इतिहास येतो. एकोजीराजांचे तंजावरचे राज्य , शिवाजी महाराजांच्या दक्षिणेतील स्वाऱ्या व विजय , तेथील मंदिरे , किल्ले यांची ,माहिती , असा गुजरात ते श्रीलंकेपर्यंतच्या शिवसाम्राज्याचा इतिहास येथे संदर्भ छायाचित्रांसह दिला आहे.

‘छत्रपती शिवाजी महाराजांचे साम्राज्य’ या पुस्तकाचा ‘बाइट्स ऑफ इंडिया’वरील परिचय वाचण्यासाठी पुढील लिंकवर क्लिक करा... http://www.bytesofindia.com/Details/?NewsId=4909266040325572000