स्पष्ट बोलायचे तर-निखिल वागळे निखिल वागळे हे मराठी वृत्तसृष्टीतील धडाडीचे व निर्भीड पत्रकार म्हणून ओळखले जातात. गेली चार दशकांहून अधिक काळापासून ते पत्रकारिता क्षेत्रात आहेत. सुरवातीला ते दिनांक या साप्ताहिकाचे संपादक झाले. इ.स. १९९० साली त्यांनी महानगर वृत्तपत्राच्या संपादकपदाची सूत्रे हाती घेतली. अनेक वादग्रस्त विषांवर त्यानी वृत्तपत्रांतून लिखाण व वृत्तवाहिन्यांवर कार्यक्रम केलेत. अनेकांच्या मते ते बायस पत्रकार आहेत. ते एकाच बाजूने मांडणी करतात. अनेकदा त्याचा प्रत्यय त्यांच्या लिखाणात व निवेदनात येतो. काही जरी असलं तरी त्यांचे लिखाण व निवेदन हे इतरांपेक्षा वेगळे व अभ्यासू असते. त्याचाच प्रत्यय त्यांच्या 'स्पष्ट बोलायचे तर' या पुस्तकात येतो. हे पुस्तक मोदी सरकारच्या पहिल्या तीन वर्षातील प्रमुख घटनांवर केलेल्या लिखाणाचे संकलन, संपादन आहे. प्रत्येक लेख हा केंद्र सरकारच्या वेगवेगळया भूमिकांवर विशेषतः भाजप व मोदी यांच्या वर केंद्रित आहे. त्यांनी तत्कालीन घटनांचा राजकीय, सामाजिक व आर्थिक अंगाने विचार केला आहे. लिखाण जरी अभ्यासू असलं तरी बऱ्याचदा ते एकांगी वाटायला लागते. तरी अश्या प्रकारे विचार करण्याची आवश्कत