Summary of the Book
डॉ. सुरेशचंद्र नाडकर्णी हे प्राध्यापक होते. त्यांचा प्राणीशास्त्र या विषयासह क्रिकेट, विज्ञान, संगीत, गजल, टेबलटेनिस, लॉनटेनिस आदी क्षेत्रांतही त्यांचा वावर होता. स्पर्धा संयोजन, समालोचन, काव्य, लेखन, सूत्रसंचालन आदी प्रांतातही, त्यांची मुशाफिरी होती. 'बहुरंग'या पुस्तकातून त्यांचे अष्टपैलूत्व दिसते.
'जिगर'मुरादाबादी यांची गजल, शायरीतील खासे नाव साहीर लुधियानवी, पाकिस्तानचे शायर 'कतील'शिफाई यांच्या रूबरू, जिंदादिल शायरी पेश करणारे भाऊसाहेब पाटणकर, गजलसम्राज्ञी बेगम अख्तर, प्रतिभावंत गायक डॉ. वसंतराव देशपांडे, सुरेशबाबू माने, मालती पांडे, मास्तर कृष्णराव यांच्या आठवणी त्यांच्या गाण्यांसह जागविल्या आहेत.
जागतिक कीर्तीचे अर्थशास्त्रज्ञ डॉ. धनंजयराव गाडगीळ, सी. डी. देशमुख, सरदार आबासाहेब मुजुमदार, वा. रा. सराफ आदी सदहृदयांचे मोठेपण यात सांगितले आहे. क्रिकेटपटू सी. के. नायडू, लाला अमरनाथ व अमरसिंह यांचे व्यक्तिमत्ववर्णन, क्रिकेट जगताला हलवून सोडणारी 'बॉडीलाईन' गोलंदाजी, त्याचे निर्माते डग्लस व जॉर्डीन, त्याचा प्रत्यक्षात वापर करणारे हॅरॉल्ड लारवूड अन् बिल व्होस यांची माहिती दिली आहे. मॅच फिक्सिंगवर ताशेरे ओढले आहे. विविध विषयांवर लेख यात वाचायला मिळतात.
