‘ध्यान’ ह्या विषयावर दुकानांत खूप पुस्तकं आहेत. काही वाचलीही होती. त्यात एका आगळ्यावेगळ्या नवीन पुस्तकाची माहिती मिळाली. 'ध्यानातून ध्येयाकडे'. पुस्तक वाचायला घेतल्यानंतर आलेला सगळ्यांत महत्त्वाचा भाग म्हणजे हे पुस्तक केवळ ध्यानयोगाची माहिती देत नाही, तर खरोखर वाचकाचं ध्यान घडवतं.!!
इतर कुठल्याही पुस्तकातून ही अनुभूती आलेली नाही, जी ह्या पुस्तकाचं केवळ पहिलं प्रकरण वाचताच आली! अतिशय सुंदर अनुभव आला. शांतता लाभली ! ह्याचं कारण प्रत्येक प्रकरणाच्या शेवटी दिलेली ध्यान प्रार्थना! फारच सुंदर आणि अनुभूतीपूर्ण !! ज्यांना आयुष्यात खरोखर काही साधायचं आहे त्यांनी, आणि ज्यांची नेहमी एकाग्रता साधत नाही अशी तक्रार असते, अशा सर्वांनी ह्या ग्रंथाचा आधार घ्यावा, इतकं सामर्थ्य ह्या ग्रंथात आहे.
नुसतं पुस्तक वाचताना जर इतका अफाट आनंद लाभला, तर संपूर्ण ध्यान लागल्यावर किती आनंद मिळत असेल, बरं..!! ‘ग्रंथ म्हणजे गुरु’ असं का म्हणतात, ते हे पुस्तक वाचायला घेतल्यावर कळले आणि पटलेही! काहीही करून वाचाच असंच सांगेन..

‘ध्यानातून ध्येयाकडे’ या पुस्तकाचा परिचय वाचा ‘बाइट्स ऑफ इंडिया’वर... http://www.bytesofindia.com/Details/?NewsId=5740265831521474747