Summary of the Book
Self Mastery Through understanding your Self
"स्त्री हा समाजाचा मूलभूत घटक... नवी पिढी घडवणारा, कुटुंबव्यवस्थेला आकार देणारा, घराघरात सुसंवाद राखणारा... समाजात स्त्रीचं स्थान जितकं महत्त्वाचं, आदराचं, तितका तो समाज सभ्य, सुसंस्कृत... मुलगी, बहीण, मैत्रीण, आई, पत्नी वा अन्य जिव्हाळ्याची नाती... स्त्रीमुळे नातेसंबंधात एक वेगळीच मृदुता, जिव्हाळा, माया, प्रेम उत्पन्न होतं... खरी आत्मनिर्भरता येते आंतरिक बदलातून, वैचारिक आणि आध्यात्मिक परिवर्तनातून, शास्त्रीय ज्ञानातून, निकोपा शरीरस्वास्थ्यातून आणि तर्कशुद्ध विचारसरणीतून... केवळ स्त्रियांसाठीच नव्हे तर पुरुषांसाठीही आत्मनिर्भर होऊन आपला व्यक्तिमत्वविकास कसा साधावा याविषयी सुबोध आणि उपयुक्त मार्गदर्शन या पुस्तकात उपलब्ध आहे.."..
तस पहाता,आजच्या युगात स्त्रीने मोठी प्रगती केली आहे. असे कोणतेही क्षेत्र नाही, जेथे स्त्री नाही. त्या आर्थिक, सामाजिक सक्षम झाल्या तरी काही महिला आत्मनिर्भर झालेल्या नाहीत, तर काही गरीब महिला आत्मनिर्भर आहेत. महिलांनी आत्मनिर्भर होऊन स्वत:चे उद्धिष्ठ गाठावे, घर समाजात स्वत:चे स्थान निर्माण करावे याबाबतचे मार्गदर्शन तेजज्ञान ग्लोबल फाउंडेशनच्या सरश्री यांनी 'आत्मनिर्भर कसे व्हाल? आजची स्त्री आणि आपण' यामध्ये केले आहे. आपल्यातील ईर्षा, द्वेष, फटकळपणा हे दोष घालवणे, आत्मसन्मान, धैर्य वाढवणे, आरोग्य कसे राखावे, नोकरदार महिला, गृहिणी तसेच सुखी वैवाहिक जीवन या विषयी यात मार्गदर्शन केले आहे. आत्मनिर्भर व व्यक्तिमत्व विकासासाठी केवळ महिलाच नव्हे, तर पुरुषांसाठीही हे पुस्तक उपयुक्त आहे.