Summary of the Book
शाळा सुरु झाल्या आहेत. मुलांना आवडेल असे पण चविष्ट, पोषक पदार्थ डब्यात देण्यासाठी प्रत्येक आईची धडपड असते. रोजची पोळी, भाजी मुलांना नकोशी वाटते. रोज काही तरी नवीन पदार्थ हवे असतात.
अशा पदार्थांची जंत्री कांचन बापट यांनी 'मुलांच्या डब्यासाठी ४०४ पौष्टीक रेसिपीज'मधून दिली आहे. पोळीसाठी वापरण्यात येणाऱ्या गव्हापासून बनणारे ३३ नाविन्यपूर्ण पदार्थ, तयार पोळीचे पदार्थ, अप्प्यांचे, इडलीचे, डोशांचे, उत्तप्प्यांचे, पराठ्यांचे, पोह्याचे व उपम्याचे प्रकार, ब्रेड, कटलेट, बटाटा, रताळे, भात, लाल भोपळा, ओले धान्य, मका, वडे, भजी, वड्या, रोल्स, रॅप, पास्ता, पिझ्झा थालीपीठ, धिरडी, ढोकळा, केक आदी पदार्थ घरी कसे बनवावेत, हे यात सांगितले आहे.
तसेच 'मुलांच्या आवडीच्या ३०३ चविष्ट रेसिपीज' मधून बापट यांनी मुलांना आवडणारे रेस्टॉरंटमधील पदार्थ घरी बनविण्यासाठी ३०३ रेसिपीज दिल्या आहेत. यात सूप, चिकन स्टार्टर्स, पनीर स्टार्टर्स, रेस्टॉरंट स्टाईल भाज्या, रोटी - नान - पराठा, भाताचे विविध प्रकार, गोडाचे पदार्थ सिझलर्स, चाटबरोबरच पारंपरिक पदार्थांच्या पाककृती टिप्ससह दिल्या आहेत. एकूण ७०७ पदार्थांची जंत्रीच यात लेखिकेने दिली आहे.
१) मुलांच्या डब्यासाठी ४०४ पौष्टिक रेसिपीज
२) मुलांच्या आवडीच्या ३०३ चविष्ट रेसिपीज