Summary of the Book
जुनी नाटके प्रेक्षकांच्या दीर्घ काळ स्मरणात असतात. त्यांना ती नाटके पुन्हा पाहता यावीत यासाठी "हर्बेरियम'चा उपक्रम राबवणारे सुनील बर्वे हे अभिनेते वेगळेच आहेत. नाट्यसृष्टीत हा उपक्रम राबवून पाच नाटकांचे केवळ 25 प्रयोग करून आजच्या बिझी कलावंतांना पुन्हा रंगमंचावर आणून प्रेक्षकांना आनंद देणाऱ्या या उपक्रमाची सुरवात आणि त्याचा सगळा प्रवास कसा झाला, हे या पुस्तकात सांगितले आहे. रंगभूमीवरच्या या आगळ्यावेगळ्या प्रयोगाने बरेच वादळ उठवले होते. या उपक्रमातील सहभागी मंडळींकडूनच या पुस्तकासाठी लेख घेण्यात आले असून, त्याचे संकलन केले आहे.
मंदार जोशी यांनी या पुस्तकाचे संपादन केले आहे. "हर्बेरियम' या प्रयोगाची संकल्पना समजावून सांगण्याबरोबरच या उपक्रमाची ऐतिहासिक नोंद लिखित स्वरूपात या पुस्तकामुळे झाली आहे.