Geetanjali Suryavanshi
27/02/2016
अप्रतिम. परिपूर्ण कादंबरी.
गेले अनेक महिने लागून राहिलेली उत्कंठा संपली. काय आणि किती लिहावे ते समजून येत नाही . प्रचंड मोठा आणि गंभीर विषय लेखिकेने सहज लीलया पेलवला आहे . त्याबद्दल सर्वात आधी त्यांचे आभार . पुरुषावरील बलात्कार हा अगदी अगम्य विषय . पण इतक्या सहजतेने आणि कुठेही अश्लीलता येऊ न देत त्यांनी मांडला आहे त्याबद्दल त्यांचे विशेष कौतुक केले पाहिजे . एक साधी सरळ सामान्य मध्यम वर्गातील मुंबईत राहिलेली मुलगी आणि अत्यंत देखणा असा इटालियन कोट्याधीश कुटुंबातील अमेरिकन मुलगा. अगदी अशक्य अशी ही प्रेम कहाणी (?) तसं पाहायला गेलं तर हे पुस्तक प्रेमकहाणी या प्रकारात येत नाही.अत्यंत वेगळा विषय. कादंबरीत कोणतेही पात्र जबरदस्तीने घुसवलेले नाही . प्रत्येकाची व्यक्तिरेखा अगदी खरी असल्याप्रमाणे डोळ्यांसमोर उभी राहते . पुस्तकात कोठेही भडकपणा दिसत नाही . दिसते ते लेखिकेचे ज्ञान आणि दांडगा अभ्यास . किमान महाराष्ट्रातील विद्यापीठांनी BA किंवा MA च्या अभ्यासक्रमाला लावावी अशी ही कादंबरी . मराठी कादंबरी विश्वात या कादंबरीच्या येण्याने एक नवीन क्रांती आणली आहे हे नक्की . बाकी वाचक सज्ञ आहेतच .
Najuka Kir
02 Jun 2016 05 30 AM
कादंबरीचा विषयही अतिशय नाविन्यपूर्ण आणि मराठी कादंबरी विश्वात न आलेला आहे.कथेच्या नायकावर लहान वयातच शाळेतील क्रीडा शिक्षकाकडून झालेला शारीरिक अत्याचार..त्याची माहिती मिळालेल्या सिनियर विद्यार्थ्यांकडूनही नंतर त्याचा 'वापर' होणे..या सगळ्याचा नायकाच्या बालमनावर होणारा विपरीत परिणाम..पुढे वय वाढत असताना तारुण्यसुलभ भावनांचं त्याच्या मनातील द्वंद्व..स्त्रीसहवासाची भीती..समलिंगी आकर्षणाची शंका..त्यामुळे त्याच्या आकर्षक व्यक्तिमत्वावर आणि संपत्तीवर भाळून त्याच्या जवळ येवू पाहणाऱ्या प्रत्येक तरुणीपासून त्याचे लांब राहणे..पुढे मग एका अंतरराष्ट्रीय शिबिराच्या निमित्ताने संपर्कात आलेल्या एका सुंदर,समंजस,हुशार भारतीय मुलीवर त्याने मोहित होणे..परंतु अंतर्मनातील गंडाने तिच्याकडे तशी कबुली न देणे..त्यांचे पुन्हा दूर जाणे..मधल्या काळात अनेक बऱ्या-वाईट घटना घडणे..आणि.परंतु अतिशय चित्तवेधक अशी ही कादंबरी आहे. युरोपियन राष्ट्रांमधील संस्कृती,त्यातील बारकावे,तिथली निसर्गसंपदा,त्यांची मानसिकता हे सगळं अतिशय वेधक पद्धतीने आपल्यासमोर उभं केलंय.त्यांची लेखणी अतिशय प्रभावी आणि प्रवाही आहे.