आजचा काळ हा स्पर्धेचा आहे. सुखी आयुष्यासाठी पैशाला महत्त्व आले आहे. पण पैसा मिळविण्याच्या नादात शरीरसंपत्तीकडे दुर्लक्ष होत असल्याचे बहुतेकांच्या लक्षात येत नाही. अभ्यास, परीक्षा, पालकांच्या अपेक्षा असे तणाव लहान वयापासूनच सुरु होतात.

त्यामुळे नैराश्य येते. जीवनात सुखी, आनंदी राहण्यासाठी तरुण पिढी शारीरिक, मानसिक, सामाजिक, व अध्यात्मिकदृष्ट्या समृध्द असायला हवी. यासाठी डॉ. पी. एस. रामाणी यांनी 'तणावमुक्त जीवन तरुणांपुढील आव्हान' मधून मार्गदर्शन केले आहे.

आजच्या तरुण पिढीचे वर्णन करून त्यांच्या जीवनातील करिअरचा महत्त्वाचा टप्पा कसा असायला हवा, जीवनात परिपक्वता, स्थैर्य येण्यासाठी आवश्यक मार्गदर्शक तत्वे, धाडसाला सामोरे जाण्याची गरज, अंतिम ध्येयाकडे वाटचाल, परिणामकारक विचारसरणी, कामाचे अग्रक्रम कसे व का ठरवावेत हे सांगितले आहे.

स्वयंप्रेरणा, प्रभावी संवादकौशल्य, सवयी, पैशाचे मोल, कामातील पुढाकार, लहानपणीच्या संस्कारांचे महत्त्व, सहकार व संघटनकौशल्य, सवयी, पैशाचे मोल, कामातील पुढाकार, लहानपणीच्या संस्कारांचे महत्त्व, सहकार व संघटनकौशल्य, परस्परावलंबित्त्व, निरोगी शरीर व जीवनाचे फायदे, त्यासाठी उपयुक्त टिप्स, एकाग्रता साधण्याची कला, नैतिकता, अध्यात्माची आवश्यकता या मुद्यांवर यात याबाबत मार्गदर्शन केले आहे.