अत्यंत हलाखीच्या परिस्थितीशी झुंज देत स्वतःचं अस्तित्व सिद्ध करणाऱ्या एका स्वयंसिद्ध स्त्रीची ही कहाणी आहे. लेखक सुमेध वडावाला (रिसबूड) यांनी शब्दबद्ध केलेली शिंदिणीची शिंदेबाई कशी झाले त्याची कहाणी. सहावी शिकलेल्या आणि मुंबईच्या झोपडपट्टीत् राहणाऱ्या सुनिता शिंदे यांची ही कथा नवरा व्यसनाधीन. कमाई शून्य. त्यातच कुष्ठरोग झाला. तरीही पतीने छळणं सोडलं नाही.

चारित्र्यावर संशय घेऊन पत्नीला दोन-तीन वेळा आत्महत्येलाही प्रवृत्त केलं. शिंदेबाई खचल्या होत्या, पण त्यांनी जिद्द सोडली नाही. सेव्ह द चिल्ड्रन, इंडिया'त त्यांनी नोकरी मिळवली. मात्र, निवृत्त झाल्या त्या अधिकारपदावरून. निवृत्त झाल्यावरही स्वस्थ बसल्या नाहीत. स्वतःचा व्यवसाय
सुरु करून उद्योजिका बनल्या आणि अन्य सामान्य बायकांना व्यवसाय सुरु करण्याची प्रेरणा दिली. शिंदेबाईंची ही वाचून थक्क करणारी कहाणी.