आचार्य नरहर कुरुंदकर यांच्या लेखनविश्वातील मेरुमणी म्हणजे 'शिवरात्र'. या छोट्या पुस्तकात त्यांनी कट्टर हिंदुत्ववादी आणि कट्टर मुसलमानी लोकांना पूर्णपणे नामोहरम केलं आहे. पहिल्या भागामध्ये त्यांनी संघाचे सरसंचालक गोळवलकर यांची विचारसरणी मुद्देसूद पद्धतीने खोदून काढली आहे आणि गोपाळ गोडसे यांनी 'गांधीहत्या आणि मी' या पुस्तकामध्ये जाणूनबुजून जो खोटा इतिहास घुसडला अथवा मांडला आहे त्याचा पर्दाफाश केला आहे. ज्या लोकांना कट्टर हिंदुत्वाची विचारसरणी भावते व गांधीविरोधी विचार पटतात त्यांनी एकवार हे जरूर वाचावं आणि आपल्या सद्सद्विवेकबुद्धीने निर्णय घ्यावा. दुसऱ्या भागात सरहद्द गांधी खान अब्दुल गफारखान, मौलाना आझाद, आणि अच्युतराव पटवर्धन या हिंदू-मुस्लिम ऐक्यासाठी झगडलेल्या लोकांच्या कार्यकर्तृत्वावर प्रकाश टाकला आहे. तर तिसऱ्या भागामध्ये त्यांनी भारतातील इस्लाम धर्मावर प्रकाश टाकला आहे व तमाम मुसलमान भारतीयांसाठी काही प्रश्न उपस्थित केले आहेत ज्यायोगे त्यांनी कट्टर इस्लामी धर्मवादाचा तात्विक विरोध केला आहे. प्रत्येक मराठी माणूस ज्याला या तिन्ही गोष्टींविषयी जाणून घेण्याची इच्छा आहे त्याने हे छोटंसं पुस्तक जरूर वाचलं पाह