जर्मनीत नाझी राजवट ज्यू समाजासाठी अत्यंत भयावह होती. ज्यूंची कत्तल करण्यामागे हुकुमशहा अडॉल्फ हिटलर तर होताच; पण ज्यू विषयाची जबाबदारी सांभाळणाऱ्या व 'ज्यू समस्येवरील अंतिम तोडगा शोधणारा अडॉल्फ आईशमन याने अत्यंत क्रूरपणे, विकृतपणे ६० लाख ज्यूंची हत्या केली.

याचा अभिमानही तो बाळगत असे. पुढे महायुद्ध संपल्यानंतर १९५० मध्ये तो अर्जेंटिनात नाव बदलून राहू लागला. त्याचा तपास इस्रायली गुप्तचर संघटना 'मोसाद'ला लागला त्याचा सुगावा लागला.. मोसादचा प्रमुख इस्सर हारेल याने त्याला इस्त्रायलमध्ये आणण्याचा चंग बांधला.

तो व त्याचे सहकारी यांनी कल्पक बुद्धी, चातुर्य, पितृभूमीसाठी पराकोटीचा त्याग करण्याची तयारी या जोरावर आईशमनला पकडले. जगाला धक्का देणारी अशक्यप्राय कामगिरी हारेलच्या नेतृत्वाखाली मुठभर इस्त्रायली गुप्तहेरांनी पार पाडली. त्याची उत्कंठावर्धक कहाणी माधव भंडारी यांनी १४ गारिबाल्डी स्ट्रीट'मधून सांगितली आहे.

''ऑपरेशन आईशमन''च्या वेळी हारेलने लिहिलेले कथन केंद्रस्थानी ठेवून ही कादंबरी लिहिली असल्याने ती जास्त वास्तववादी वाटते.