`मित्राची गुंतवणूक’ लेखकाला सुचलेली एक सुरेख कल्पना. मित्राचीच गुंतवणूक का? आणि मुखपृष्ठावर सापशिडी? होते असे की, उच्चभ्रू लोकांच्या गुंतवणुकीचा काहीच प्रश्र्न नसतो. त्यांच्याकडे आर्थिक नियोजनसाठी आर्थिक सल्लागार असतात. त्या करिता त्यांना 4 आकडी रक्कम सल्लागाराला द्यावी लागते. परंतु मध्यमवर्गींयांना आर्थिक सल्लागार नेमणं शक्य होत आहे.
मध्यमवर्गीयांची गुंतवणूक कधी कधी सापशिडीच्या खेळासारखी होते. नुकतंच कुठं गुंतवणुक बाळसं धरत असते आणि अचानक चुकीच्या सल्ल्याने किंवा खोट्या आमिषाला बळी पडून कष्टाने मिळवलेली रक्कम कोणीतरी दुपटीच्या, तिपटीच्या नावाखाली लुबाडते किंवा व्यसनांमुळे, मोठ्या आजारपणात, चुकीच्या संगतीने, सल्ल्याने वाया जाते. पुन्हा एकदा आपण आयुष्याच्या प्रांगणात 5-10 वर्षांनी मागे फेकले जातो. असं होऊ नये म्हणून मित्राची गुंतवणूक या पुस्तकाच्या रूपाने संजयने एक वेगळा पर्याय उपलब्ध करून दिला आहे. बाजारात गुंतवणुकीची शेकडो पुस्तके असताना या पुस्तकाचे वेगळेपण काय? होय! निश्र्चितच वेगळेपण आहे, वेगळेपण हेच की… वाचक मित्र हे या पुस्तकाचे सहलेखक आहेत. त्यांचे गुंतवणुकीचे नियोजन, व्यसने, छंद दिलेल्या तक्त्यात त्य