" इतिहास " हा केवळ अभ्यासक्रमातील एक विषय म्हणून त्या कडे दुर्लक्ष करण्याची प्रवृत्ती आढळते . कोणत्याही देशाचा वर्तमानकाळ किंवा भविष्यकाळ हा इतिहासाशी संबंधित आणि बऱ्याच अंशी त्यावर अवलंबून असतो . श्री . पंकज कालुवाला ह्यांचं " राजकीय हत्या " हे नवीन पुस्तक इतिहासातील अनेक हत्यांची उकल करणारं आहे . या आधी त्यांनी लिहिलेलं " इस्त्रायलची मोसाद " हे पुस्तक देखील खूपच माहितीपूर्ण आहे . जगातील एक गुप्तहेर संघटना आज अव्वल दर्जाची का मानली जाते हे त्यातून आपल्याला समजतं . प्रत्येक हत्येमागे असणारी सामाजिक , राजकीय , आर्थिक पार्श्वभूमी , सत्ता प्रस्थापित करण्यासाठी निर्माण झालेल्या स्पर्धेचं विश्लेषण करण्याचं अवघड काम या पुस्तकात केलेलं आहे . काही हत्यांमध्ये राहिलेल्या सुरक्षा विषयक उणिवांविषयी केलेला उहापोह लष्कर व पोलीस दलासाठी खूपच महत्वाचा आहे . विशेषतः ज्यांच्यावर महत्वाच्या व्यक्तींची सुरक्षा आहे त्यांना यातून महत्वाचे शिकण्यासारखे नक्कीच आहे . अगदी सहज समजेल व वाचतांना कंटाळा येणार नाही अशा प्रकारचे दर्जेदार लेखन असून संग्रही ठेवण्यासारखे नक्कीच आहे . विश्राम अभ्यंकर

इतिहासात आतापर्यंत गाजलेल्या राजकीय हत्याची संपूर्ण कहाणी या पुस्तकात उत्तमरित्या मांडली आहे . जालियनवाला बाग हत्याकांडाचा प्रमुख सूत्रधार जनरल मायकल ओडवायरची उधमसिंग ने लंडन मध्ये जाऊन केलेली हत्या .तर फितुरीमुळे केलेली महान क्रांतिकारक चंद्रशेखर आझाद यांची इंग्रज राजवटीने केलेली हत्या .अफगाणिस्तानचे राष्ट्राध्यक्ष अमीन यांची सोव्हियत राजवटीने अतिशय योजनापूर्वक केलेला खून .तसेच ओपेशन ब्लू स्टार आणि त्यामुळे घडलेली इंदिरा गांधीं आणि जनरल अरुणकुमार वैद्य यांची हत्या. याशिवाय राजीव गांधी ,बेनझीर भुट्टो ,भडारनायके,झिया उल हक ,राबिन यांच्या हत्येची संपूर्ण कहाणी ,इतकेच नव्हे त्या मागची संपूर्ण पार्श्वभूमी उत्तमरित्या मांडली आहे . एखाद्या प्रसिद्ध व्यक्तीची हत्या करताना किती काळजीपूर्वक योजना बनवावी लागते . किती सयंम पाळावा लागतो याची माहिती कळते . ओपेशन ब्लू स्टार जणू आपल्यासमोर घडतेय असे वाटते . एखाद्या चित्रपटात घडाव्या अश्या कहाण्या यात आहेत

नमस्कार पंकजजी मी तुमच्या लिखाणाचा चाहता आहे.भारतातील राजकीय हत्या वगळता इतर सर्व पुस्तके माझ्या संग्रही आहेत. लवकरच ते ही पुस्तक घेणार आहे.

Pankaj sir Rajkiy Hatya hya book awadale.aapli sampoorna books mazaya sangrahi aahe. Very informative books sir. Thanks