भारतासारख्या विविधतेने नटलेल्या देशात अनेक पुरातन वास्तू आहे. हिंदू, बौद्ध, जैन, शैलीचा तसेच इस्लामी वास्तूकलेचा प्रभाव भारतीय वास्तूकलेवर दिसतो. ब्रिटीश काळातील वास्तूंवर गॉथिक शैलीचा प्रभाव आहे. आपल्या देशातील नितांतसुंदर वास्तूंची ओळख अरुण मळेकर यांनी 'गाथा : वारसावास्तूंची'मधून करून दिला आहे.

लावण्यखणी छत्रपती शिवाजी टर्मिनसची वास्तू, मुंबई सेंट्रल स्थानक, भाऊच्या धक्क्याची कहाणी, राजाबाई टॉवर्स, सेलर्स होम, 'राजयोग' व 'मणीभवन' याचबरोबर मुंबईतील अनेक जुन्या व देखण्या वास्तूंचा परिचय यातून होतो. ठाण्यातील सामान्य जिल्हा रुग्णालय, वीर-गळांची कहाणी, शिल्पवैभवी मंदिरामध्ये अंबरनाथमधील शिवमंदिर, कोल्हापूरचे महालक्ष्मी मंदिर, तुळजापूरचे भवानीमाता मंदिर, ठाण्यातील कौपीनेश्वर, सिद्धिविनायक मंदिराचा इतिहास यात आहे.

अजिंठा, वेरूळ, घारापुरी या लेण्या, औरंगाबादमधील नहर - ए - अंबरी, गुजरात राज्यातील 'रानी की बाव' भूमिगत झालेली लोथल नगरी, विजापूरचा गोलघुमट, स्तूप वास्तू, कमानकलेची परंपरा व वास्तू माहीती व महती मिळते. तसेच राष्ट्राचा मानबिंदू असेलेल राष्ट्रपती भवनाची भव्यताही समजते. ब्रिटीश काळातील प्रसिद्ध वास्तूशास्त्र तज्ञांचा परिचयही दिला आहे.