Hard Copy Price:
R 50
/ $
0.64
(Inclusive of all taxes) + FREE Shipping* Shipping charges will be applicable for this book. For International orders shipment charges at actual.
Cash On Delivery
available in
Pune, Mumbai, Thane, Navi Mumbai
Check your delivery options:
Check
Standard delivery in 2-3 business days | Faster Delivery may be available
Summary of the Book
‘स्वेच्छामरण’ हा सध्या जगभरच चर्चिला जाणारा महत्त्वपूर्ण विषय आहे. वाढते आयुर्मान आणि त्यामुळे आलेली शारीरिक विकलता, असाध्य रोग, ऐन तरुण वयात अपघातात आलेले अपंगत्व यांमुळे काही वेळा मरणापेक्षाही जगणं कठीण होऊन बसतं.
‘महामाता’ या प्रस्तुत नाटकात श्री. गो. श्री. बनहट्टी यांनी स्वेच्छामरण हाच विषय ताकदीने हाताळला आहे. अपघाताने ऐन तारुण्यात अपंगत्व आलेला अविनाश आपल्या अंधःकारमय भविष्यकाळाच्या कल्पनेने गोठून जातो. यापुढचं आपलं आयुष्य हे एक रोज अनुभवावं लागणार जिवंत मरण आहे, या कटु सत्याची जाणीव होताच, असं कणा-कणानं झिजून मरण्यापेक्षा स्वतःचं जीवन संपविण्याचा निर्णय अविनाश घेतो आणि या निर्णयाच्या पूर्तीसाठी तो मदत मागतो तो स्वतःच्या जन्मदात्रीची. काळजावर दगड ठेवून माई—अविनाशची आई—तो निर्णय अमलात आणतात.
‘स्वेच्छामरण’ या विषयाचे भावनात्मक आणि वैद्यकीय असे दोन पैलू मानले तर पहिल्या पैलूवर या नाटकात विशेष भर दिलेला आहे.
