Summary of the Book
‘लंडन’ ऑलिंपिकच्या उद्घाटनाला आता काही तासांचा अवधी राहिला आहे. दर चार वर्षांनी होणार्या या १५ दिवसांच्या क्रीडा सोहळ्याची खेळाडू, क्रीडाप्रेमी चातकाप्रमाणे वाट पाहत असतात. जगातील सर्वोत्कृष्ट खेळाडूंचे खेळातील कौशल्य पणाला लावणार्या या क्रीडा स्पर्धेच्या इतिहासापासून आतापर्यंतची माहिती हेमंत जोगदेव यांनी ‘असे आहे ऑलिंपिक’मध्ये दिली आहे. खास मुलांसाठी मराठीतून काढलेल्या या पुस्तकातील भाषा त्यांना कळेल अशी आहे. तसेच भरपूर छायाचित्रांनी ते सजलेले आहे. मुलांबरोबरच मोठ्यांनाही या देखण्या पुस्तकातून बरीच माहिती मिळते.