बांसपुरा जिल्ह्याचे सीडीओ अधिकारी बी. डी. रेड्डी आणि नीलिमा यांच्या विवाहाच्या रिसेप्शनचि पार्टी सुरु असतानाच मंत्रिमहोदय डीएमसमोर वर्ल्ड बँकेसाठी नरसिंह टीला या गावात जाऊन शासकीय योजनांच्या लाभार्थीचा सर्व्हे करण्याविषयी चर्चा करतात. हे काम करण्यासाठी तयारी रेड्डी दाखवितात. निलीमासह ते नरसिंह टील्याला कूच करतात.तेथे गावचा प्रमुख चौधरी त्यांचे स्वागत करतो. त्यांची व्यवस्था इंग्रजांच्या कोठीत करतो. या दौऱ्यात स्वातंत्र्यसेनानी रहमतमियाँ व योजनेचा लाभार्थी काळूराम यांची भेट घ्यायची असल्याने रेड्डींनी सांगितल्यावर चौधरीच्या मनात संशयाची पाल चुकचुकते. रहमतमियाँना त्यांच्या काळ्या धंद्याविषयी सर्व माहिती असते.ही गोष्ट उघडकीस येऊ नये म्हणून तो बीडीओ अन् पटवारी यांना हाताशी धरतो. रहमतमियाँ यांचा बेरोजगार मुलगा आदिललाही तो खोट्या गुन्ह्याच्या आरोपाखाली पोलिसांना अटक करायला लावतो. हे कथानक आहे राकेशकुमार पालीवाल यांच्या 'इंग्रजांची कोठी' या कथेचे. स्वातंत्र्यानंतरही देशात वर्षानुवर्षे कायम असलेले वास्तव यातून समोर येते. याचा मराठी अनुवाद प्रभा शेटे यांनी केला आहे.

‘इंग्रजांची कोठी’ या कादंबरीचा ‘बाइट्स ऑफ इंडिया’वरील परिचय वाचण्यासाठी पुढील लिंकवर क्लिक करा... http://www.bytesofindia.com/Details/?NewsId=5483581215084840027