Summary of the Book
एखाद्याचे मन जिंकण्याचा मार्ग पोटातून जातो, असे म्हणतात. त्यामुळेच विविध पाककृती तयार करणे आणि त्या खाऊ घालणे याकडे गृहिणींचा कल असतो. अर्थात, या पाककृतींमध्ये देश - विदेशनिहाय वैविध्यही आढळते. अशाच विविध पाककृतींचा खजिना म्हणजे स्वादस्मृती हे अनुपमा कुलकर्णी यांचे पुस्तक.
नेहमीच्या भाज्या,आमट्या,सोलकढी, चटण्या, गोडाचे पदार्थ, जाम- मुरांबे, विदेशी पदार्थ, मसाले यांच्या कृती या पुस्तकात आहेतच. मात्र, रानभाज्यांच्या पाककृती हे या पुस्तकाचे वैशिष्ट्य म्हणावे लागेल. कुड्याच्या फुलांची, शेगांची भाजी, बिरड्याची भाजी, टाकळा, भारंगा,केनाकुर्डू, कोवळा, कुवाळू आदी रानभाज्यांची ओळख अनेकांना या पुस्तकाच्या माध्यमातून होईल. जुन्या काळातील पाककृतींचा ठेवा जतन व्हावा, या हेतूने पुस्तक लिहिण्याची भूमिका लेखिका मांडते.